Posts tagged “Moskou

t Nemtsov-rapport

Oekraïne

t zoad van
hoat en agrezzie
ontkiemt op
d’oekraïnse dodenakkers
en de gewazzen rötten vot
in n woas van leugens
en bedrog

de rol van
de machtselite
wordt zichtboar as
in t baalke duuster doodskisten
groaven vullen ten taiken van
betrokkenhaid bie
d’oorlog

niks is
wat t liekt en
wat de propeganda beweert

mor wel wordt
zo misdoad en
geweld legitimeert

eltje ©

Moskou

Foto: Reuters Mars voor de Vrede

Foto: Reuters
Mars voor de Vrede

t binnen gebloakerde
legertrucks as bewies
dat woarhaid
n leugen is

t binnen de troanen
van noabestoanden
dij op kerkhoven
stromen om t gemis

t is t gif van
propaganda
dij lu aanvret en tot
zombies muteert

t is de journalist
en t oppozietsielid
dij men systemoatisch
molesteert

mor

nait elk
is ontvankelk veur
hysterisch patriottisme

nait elk
wil drogeerd wezen deur
misvörmd realisme

eltje ©

Krim-poker

Krim-poker
aan de speultoavel
dut de speuler
filaain geregiseerde zetten
mit as ainegste doul om
as verlaizer uut de stried te kommen

de winnoar
viert t sukses
dij hom veuropgezet
gund is mor woarbie
de zegekreten al gaauw verstommen

t is vanwege hoogspel
vanachter de coulizzen
woarbie de pokerface zwigt

zien ainegste doul is
dat hai strategisch
verloren terraain weerom krigt

eltje ©

%d bloggers liken dit: