KLIK OP DE AFBEELDING voor internet in real time
de reuzen van
d’internetgiganten
hebben gain respekt veur
de privacy van klanten
doarom is ain
van de prangende vroagen
houveul kontrole kin n
soamenleven verdroagen
eltje ©
Posts tagged “dataverkeer”
internetproviders
vergroten heur macht
en verspraaiden heur tentoakels aal meer
zoakelke belangen
goan doarbie boven t recht
van t geliek behandeln van dataverkeer
internetmagnoaten
bepoalen de tougang en
snelhaid is nait meer garandeerd
infermoatsieveurzainen
is in t geding en
der wordt ongemaarkt manipuleerd
d’elite profiteert
van de veurrangsregels
veur de kwaliteit van streams t mainst
d’ontstoane twijdailen
brengt tougankelkhaid in gevoar
van n tot dusver vrij openboare dainst
eltje ©
wereldwied
woart woanzin rond
as verstikte vrijhaid
en vermoorde vree
privacy verdampt
in n duustere cloud
woarin de duvel danst
mit de NSA
sinistere schares
scannen digitoal
tot in detail
aal t dataverkeer
dichte poorten
stoan woagenwied open
verschavven tougang
tot n vergeven atmosfeer
eltje ©
KOPSCHRABERIJEN 