Posts tagged “zinnen

Gedachtegang

Gedachtegang
gedachten
worden woorden
as je ze doar
onderbrengen

achter mekoar
ontstoan zinnen
dij in de hitte
soms verzengen

standpunten
betrekken stellens
en meten krachten
in n toalstried

over onderwaarpen
dij mitwaarken
in de tegenwoordege
of verleden tied

eltje ©

Toukomst

bie n deurkiek
n verloaten gat
onder vergeten noamen
zöcht fantazie
zoveul zinnen
om beelden in te roamen

woar schares scheuren
vougen verrötten
vaalt licht op olle tieden
woar geborsten holt
as stammen stoan
het toukomst niks te lieden

n pad noar naargenswoar
kleurt de roegte
spraaidt t wildgewas
mit aargens kansen
van nij begun
veur ongerept gruin gras

eltje ©

%d bloggers liken dit: