Posts tagged “wonden”
n Mìns verget snel………, te snel! De woan van de dag en de sleur nemen t leven ongemaarkt en onbewust weer over. Tied hailt wonden wordt ter zegd, mor mainsttied heb je joe ìnkeld bie de pien dele legd……
verzekerns worden uutkled
tot op t hemd en
alom woart waarklooshaid
n gezondhaidskrisis
ligt op de loer aal
onder politieke verantwoordelkhaid
drastisch bezunegen
het fatoale gevolgen
veur de gezondhaid van jong en old
as politisi
dij realiteit negeren
wordt de toukomst kèl en kold
statistieken teunen din
schrikboarende beelden
van vervaal en open wonden
deur t onbetoalboar worden
van neudzoakelke hulp
binnen mìnsenrechten din schonden
eltje ©
in de zörg
wordt alom
t welwezen schonden
zörgzwoartepakketten
veroorzoaken
stinkende wonden
eltje ©
aan de monden van
d’eems kropt de duvel
filaain omhoog uut de hel en
snidt as n slachter mit
presizie daibe wonden
in n gezond verdainmodel
slachtovvers binnen
ten dode opschreven in n
troagisch treur- en dubbelspel
woarin de politiek mit
vaalze koarten pokert in
n twijduuster overlevenskarrousel
eltje ©
