Posts tagged “woanzin

Evenwichtsloos

Evenwichtsloos

t is de woanzin
van populisme
dij in aal meer landen
regeert

dij de moate
van tolerantsie
en verdroagzoamhaid
dikteert

onmacht
ondergraft redelkhaid en
drogeert gezond verstand

uutwazen
gruien grìnzenloos in
n duuster kollektief verband

eltje ©

Redeloze roazernij

Zinloos geweld

Foto: dpa

 

echo’s van
stappen op stain
en luudruchteg gelal
van swaalkende schares
versteuren vraid en
raauw de rust

blikken binnen
genoadeloos
as woanzin wint
en gerechteghaid t
van verstandege
proat verlust

kreten van onmacht
verscheuren t duuster
en klinkers kleuren rood

weerloos angstswait
stroomt in d’ogen bie
de zoveulste zinloze dood

eltje ©

%d bloggers liken dit: