Tagarchief: wmo
Testcases
elk mìns
het recht op
noodzoakelke hulp en
fersounleke verzörgen
mor
kerkrötten
krioelen gierend
deur de kluizen van
gemaintelke börgen
in proefprosezzen
wordt bepoald wel
schuld het aan t
verzoaken van zien plicht
is de stoat
de rechter en de beul
of is t de gemainte dij
de zörg ontwricht
eltje ©
Mantelzörg
verantwoorde zörg
aan oldern-zaiken
wordt aantast en
slim indiskreet
huusgenoten mouten
mit femilie en buren
helpen tot
de dood intreedt
mor
femilie het buren
mit vrunden en bekenden
en dij hebben zulf ook
weer huusgenoten
dit swaartste hoofdstuk
laaidt tot doodslag en
wordt wellicht nooit
meer sloten
eltje ©
Hulp
d’òfbroak
van de verzörgensstoat
gebeurt in rap tempo en
om t lieden van
oldern en aandere
hulpbehuivenden
nait te laank te rekken
stellen stoat
en gemainten
uut medemìnselkhaid
vlot schevotten op om
t doodvonnis van slachtovvers
definitief en snel
te voltrekken
eltje ©
Hulp(eloos)
t recht op
huusholdelke hulp
is allìnt mor meer veur
de allerbedruifdste gevallen
t is te hopen
dat de beoordailoar
nait t type is van de
kille streefgetallen
© eltje
