Posts tagged “welvoart

Dodenlobby’s

Uit een onderzoek blijkt dat Roken de maatschappij jaarlijks tussen de 21,2 en 43,2 miljard euro kost. Die miljarden euro’s aan kostenworden grotendeels veroorzaakt doordat rokers korter leven en een lagere kwaliteit van leven hebben.

Dat blijkt uit een conceptrapport vanSEO Economisch onderzoek.

Dodenlobby's

BBP

BBP

in n woanzinnege
wereld worden lu plet
tot geestelke en
liggoamelke wrakken

onder drok van
ekonomische grui is
de weerstand doaneg
aan t verzwakken

getallen worden bruukt
en manipuleerd om zin en
onzin aan te geven

mor

t ontbrekt dudelk aan
sievers veur gelok en
kwaliteit van leven

eltje ©

Verdailde onmacht

Europa

t binnen de vroagen
over meer of minder
t betreft de toukomst
van ons bestoan

t is de stried tussen
schaaider en binder
om der wel of nait
veur te goan

t is de twievel over
bundeln van krachten
en de gevolgen veur
welvoart en vree

t betreft de weerboarhaid
tegen wereldmachten
en din is verdaildhaid
zeker gain pré

eltje ©

Vergoan

Vergoan
verloaten
staait n roltrap
zunder stroom
mìnsenloos stil
as symbool van
wat ains welvoart was

vergoan
binnen de treden
dij broenrosteg
in t duuster votzinken
as taiken van
n dekadent moeras

t is de tol
dij betoald worden mout
veur t grìnzeloze graaien

mor t leed
gaait mainsttied ver veurbie
aan de lozen en de gaaien

eltje ©

Uuttocht

image
in n laand
woar hongerloon noar waarken
nait dij standoard brengt
dij as nörm geldt veur
n zekere welvoartsbeleven

ontbreken de meugelkheden
om as geschoolde kennis
en kunde te verzilvern om
zo partisiperen te kinnen
in n stabiele soamenleven

komt de bezetten
van essentsiële boanen
in gevoar omdat
hoogopgelaaiden t laand verloaten

stagneert d’ontwikkeln
veur alle achterblievers
dij slachtovver worden
van dizze dezastreuze oaderloaten

eltje ©

Moalstroom

Moalstroom
t verleden
bepoalt dails
de toukomst dij je
as aarvenis vrijwilleg of
opdrongen nait waaigern kinnen en

dij net as
welvoart en welwezen
as kommuniserende voaten
mit mekoar verbonden binnen

t heden
wordt mit beïnvloud deur
politiek en finansiële maarkten
woaronder perspektieven
meedogenloos bezwieken en

instabiele soamenlevens
wankeln onder wetten
dij rechtveerdegd worden
deur vervoelde statistieken

bewust
of onbewust
speult elk n aigen rol in
manipuloatsie- en verdainmodellen

woarbie

respekt
en transperantsie
onderschikt binnen aan
opgesmukte suksestabellen

eltje ©

%d bloggers liken dit: