Posts tagged “weerloos

Uutwazzen

Uutwazzen

de leste stain
treft meedogenloos
t levenloze liggoam
van n weerloos wezen

want deur de macht
van de stroat en t geleuf
wordt blinde hoat
t recht van mafkezen

heur denkbeelden
mit kwoaleke aspekten
vertrappen vrijheden
mor doden gain mìnsen

verantwoordelk doarveur
binnen de verkondegers
en veul te veul volgers
van verkeerde tendìnsen

eltje ©

Uutzichtsloos

Uutzichtsloos

ook op poaden
van pais en vree
tref je onhaail
op de weg

t noodlöt is
onveurspelboar
en slagt tou
zunder overleg

angst veur
onmacht gruit gestoag
bie elke stap
richten horizon

mor wordt t op d’omwegen
n weerloos worsteln
din is t n stried
dij zelden aine won

eltje ©

%d bloggers liken dit: