Eltje Doddema
Posts tagged “wanhoop”
De amygdala, in het oudste deel van onze hersenen, is verantwoordelijk voor ons oerinstinct van overleven: vechten, vluchten of bevriezen. Je kunt dit zien als een alarmsysteem, dat ons vertelt of iets veilig is of niet. Politici maken hier graag ge-/misbruik van…….
t glìnne licht vervoagt
in t twijduuster
en gaait over in
n swaarde leegte
woarin niks meer is en
woar weerom
gain optie is
klemd tussen wanhoop en
uutzichtslooshaid wordt
vanuut d’iesdern greep
opluchten ervoaren as
de defintieve keus
t voltrekken is
van t ìndvonnis
eltje ©
veul is der
vergeefs smeekt
in n schait- of
slötgebed
doarom is t
woord dat ter
tou dut
reset
eltje ©
wind snidt
ieskold
smaartend
dwaars deur
open wonden
donkern
komprimeert
uren van leegte
tot ainheden
van sekonden
beklemmend
is t
ainzoam dolen
woarin geluud
verstomt
onzeker
is t pad
noar mörgen
vol twievel of
dij komt
eltje ©
t binnen
gevuilens van onrecht
en onmacht dij frustreren
t binnen
gevuilens van vijandschap
dij daibe hoat kreëren
t binnen
gevuilens van wanhoop
dij destabilizeren
t binnen din
wrok en wroakzucht
dij oorlog genereren
eltje ©
mit geld
wordt geld verdaind
deur loze lu
dij glad profiteren
mit subsidies
en belastenveurdailens
binnen kaptoalen
filaain te genereren
investeren
in duurzoamhaid
levert spekulanten
n hoog rendement
konstruksies
fiskoal legitiem
worden benut
mit veul raffinement
de massa wordt
vermoalen deur
n resezziemeulen en
tot grode wanhoop dreven
mor veur lu
mit vermogen
is t hail normoal om
van de wind te leven
eltje ©
troanen in de regen
tussen kèlle blinde muren
zinloos is t leven
wanhoop nait te sturen
tred wordt swoarder
waarm wordt kold
t pad lopt dood
te vroug nait old
eltje ©
