Posts tagged “wakker

Aldel – 2

Aldel
in tieden van
verloren vanzulfsprekendheden
stoan grunnegers aal vaster
op de bainen om ten tiede
van schokkende berichten
t wankel evenwicht te herstellen

wakker schud
en noarsteg zuikend noar woorden
om vergreldhaid over krimp en
waarklooshaid in beelden in
te roamen stridt men vastberoaden
tegen ekonomische modellen

de weg noar
aargenswoar ligt bezaaid
mit passie en betrokkenhaid
ondanks de schare in t leven

want toukomst mag nait
te lieden hebben van
n ontbrekende leefboarhaidskoabel
en rigide europese regelgeven

eltje ©

%d bloggers liken dit: