Posts tagged “vreedzaam

D(estruktieve) N(aaigen) tot A(grezzie)

DNA

doagliekse beslommerns
verblaiken bie de beelden
van barbarijen en
tragedies dij
ons benul deurzeven

herrezen werelden van
guster plegen aansloagen
op t koestern van
n vaaileg en
vreedzoam leven

t is asof zulfdestruksie
zich worreld het
in t mìnselk DNA

want elke generoatsie
beleeft wel zien
aigen sloopdrama

eltje ©

Verloren generoatsies

Verloren generatie

as je nait over
fouten uut t verleden
hìnstappen kinnen en
dij bruken blieven as
grond veur
tegenstellens en hoat

din heb je as volk
en zien machthebbers
nait t vermogen om
duurzoam te leven in
n vreedzoame
geweldloze stoat

eltje ©

%d bloggers liken dit: