Posts tagged “vluchtelingenstroom

Stel

Stel

Klik op de afbeelding om het lied te beluisteren of te downloaden via Dropbox (9,8 MB).

 

 

 

 

 

 

 

 

doezenden dreumen vol loden lasten
dolen doulgericht van oost noar west
ook bie lichten in t duuster tastend
trötseren ze störmen van protest

smaartend is d’onmacht van de machten
dij heur löt bepoalt

heur toukomst is der ain van vrezen
zekerhaid is ongewis
t is de angst van t ìnkeld wezen
in n roavensswaarde duusternis

t is de zinlooshaid van woanzin
in alle toalen vertoald

REFREIN:
stel elk zugt deur t bos weer bomen
dat vree meer is as der over lezen
mochten der din nog troanen stromen
loat dij din van vreugde wezen

grìnzen worden iezelk overschreden
deur t gooien van brandende bommen
dichterbie as t verleden
schaiten der vlammen uut n onderkommen

smaartend is d’onmacht van de machten
dij heur löt bepoalt

Tekst: Eltje Doddema
Muziek: John Lennon

%d bloggers liken dit: