Vertraauwen
Tag: vertraauwen
Daiptepunt
#EU
Bon
soms is e veur
n kedo of daint e
as bewies
soms is e veur
n konsumpsie of win je
dermit n pries
soms let ain hom
slingern en mist
doardeur n kedo
soms wordt ain der
opzet wat knoagt
aan zien imago
soms krieg je derveur
n deus mit meer as
ain bonbon
voak is t bonafide
mor soms is t
nait bon ton
eltje ©
Deel dit
Onverantwoord
Na elke dag (vanaf juli 2013) een of meerdere bijdragen te hebben gepost, is dit de 1000ste kopschraberij. Alle volgers en lezers ontzettend bedankt voor het lezen, het reageren en het delen van de blogs.
Nu maar afwachten of morgen de 1001ste kopschraberij verschijnt……
boven alles stoan
in woord en doad
is meer as arrogant
hoogmoud in t
draaien en keren holdt
op n duur gain stand
mor òfgedwongen
beraauw schoadt
onherstelboar t vertraauwen
te meer as je
aigen zunden nait
as zodoaneg beschaauwen
eltje ©
Deel dit
Stoatsschuld
Uut balans
noa n aanslag
en de zoveulste
gewelddoad
vellen digitoale beulen
vlot n doodvonnis
want as angst
transformeert in
blinde hoat
wordt ter oordaild
zunder faaitenkennis
vrijhaid
balanseert op n
riggel dij ainglieks
hail slim smaal en
seupel is
vertraauwen
verdampt en
wantraauwen waast
bie elke
nije krisis
eltje ©
Deel dit
Kansloze missie
elk bericht en
elke touzeggen wordt
weghoond en is bevlekt
as twievels nait goud
wegnomen worden en
vertraauwen doardeur ontbrekt
eltje ©
Deel dit
Verbraand
in t Kamp van
de NAM en kozotten
wordt nait veul geven
mor wel veul nomen
behaalve gas terug
zodat t vertraauwen
de grond in boord wordt tot
in loagen vol onderstromen
protesten worden ervoaren
as faailen
mit de kroan open
mor mit t heft
in aigen haand goan
lu d’hoed duur verkopen
eltje ©
Deel dit
Mali-dee
dolend deur
troosteloze kontraainen en
poestend en stìnnend
onder n braandende zun
doun troepen heur plicht
òf en tou
bietend in t stof
van n kwaliteit dij
nait optimoal levens redt
bie zowel nacht as daglicht
hikhakkerij
over t wel of nait
woarbörgen van vaaileghaid laait op
n diskuzzie
dij schoadelk is veur
t vertraauwen in mizzie en defenzietop
eltje ©
KOPSCHRABERIJEN 