Posts tagged “verdainmodel

Aldel

Aldel
aan de monden van
d’eems kropt de duvel
filaain omhoog uut de hel en

snidt as n slachter mit
presizie daibe wonden
in n gezond verdainmodel

slachtovvers binnen
ten dode opschreven in n
troagisch treur- en dubbelspel

woarin de politiek mit
vaalze koarten pokert in
n twijduuster overlevenskarrousel

eltje ©

Second Love

De e-mailadressen van 37 miljoen vreemdgangers liggen op straat sinds hackers het adressenbestand van overspelsite Ashley Madison kraakten. De Nederlandse tegenhanger is Second Love.

image
in n dubieuze wereld
strunen diggels en schaarven
volgens n virtueel ritueel
lokt n swoule stem slim sensueel
anoniem ainzoame haarten

in t digitoale twijduuster
dolen gewillege gaisten
deur n filaain gefigelaaierd verdainmodel
woar vaaileg verborgen achter punt NL
lust en fantazieën smaarten

in n keur van keuzes
worden bevredegens koppeld
aan t zwakke vlais van zelfzuchteghaid

elk middel is haaileg
om t doul noa te streven
körtstondeg of tot in aiweghaid

eltje ©

%d bloggers liken dit: