Posts tagged “uitzichtsloos

Euthenazie

Euthenazie

ondroagelk liedend
is t besloet
van t ìnd
vastbesloten meld

volledeg bie zinnen
is weloverwogen
n wilsverkloaren
opsteld

mor

kèlle kemizzies
oordailen
over de moate van
uutzichtslooshaid

en soms

wordt doodstried
streden
tussen zulfbeschikken en
wat speulen veur god hait

eltje ©

Uutzichtsloos

Uutzichtsloos

ook op poaden
van pais en vree
tref je onhaail
op de weg

t noodlöt is
onveurspelboar
en slagt tou
zunder overleg

angst veur
onmacht gruit gestoag
bie elke stap
richten horizon

mor wordt t op d’omwegen
n weerloos worsteln
din is t n stried
dij zelden aine won

eltje ©

Uutzichtsloos

Uutzichtsloos
in talloze landen
drieven machten en belangen
de konfliktbarometer in t rood

vanwege hoat en nied
staarven talloze slachtovvers
doaglieks n gruwelke dood

de stried om geld
geleuf en grondstovven
gunt staarvelingen gain leven

heur verlangen noar vree
blift onvervuld
en ze binnen der ja mor even ……

eltje ©

%d bloggers liken dit: