Posts tagged “tv

(doem)Beelden

Doembeelden

 

de politiek is
drok dounde om
de fundementen van
t mediapaark te kroaken

aandere partijen dan
peblieke omroupen mouten
kaanzen kriegen om
programmoa’s te moaken

de schaaidslienen tussen
persvrijhaid en de greep
van politiek en kommerzie
wordt hail slim fragiel

zo wordt de tv as
instrument om lu mit
gekleurde realiteit te bestoken
n ideoal projektiel

eltje ©

(z)Ondertiteld

Ondertiteln

veur t prezenteervak
dut verstoanboarhaid
as seleksiekriterium
nait meer mit

want d’artikuloatsie van
veul tv-doedels is
geliek n bejoarde
zunder gebit

zol elk in nederland
mit t zulfde gebrek
logopedische
hulp kriegen

staait n verstoanboare
noorderling nait
in ain van de lange
wachtriegen

eltje ©

%d bloggers liken dit: