Posts tagged “tekens

Toal en taikens

Taikens

in t begunstoadium
van onze beschoaven
ging de kommunikoatsie via
tromgerovvel en rooksignoalen

loater werden laifde en
leed letterlek daild en kon je
aan t schrift t karakter van
de schriever bepoalen

mor d’ontwikkeln van
de mìnshaid dut ook de
wieze van kommuniseren
gelaaidelk aan evolueren

woorden worden körter
en alfabets worden stoadegaan
uutbraaid onder invloud van
technologie en globalizeren

lu dij t grunnegs 👍 en der
❤️ staait t 😥 noader as t 🙂
en ze worden nait :-))
van zo’n #verhoal

want dialekten
😴 stoadegaan in
en veul 👪👬
💔 streektoal

eltje ©

O-mina

Omens

zörg uut de moat
pgb’s te loat
wankel t bestoan
aal meer zunder boan

middenklazze blödt
zekerhaid is verstöt
taikens aan de wand
aal meer onverstand

woapenindustrie floreert
mìnshaid het niks leerd

https://eltjedoddema.wordpress.com/2014/08/09/woar-binnen-ale-rozen-bleven-2/

%d bloggers liken dit: