Posts tagged “tegengas

Tegen

Tegengas

in duutsland
claimen protestbewegens
veur onvree-optochten
n vaste dag

op zundag
meldt zich DDE en
smoandoags moakt
PEGIDA gewag

t is n rage dij ook
hier vast aanslagt want
redens tot kloagen
binnen der zat

de tied is riep veur
tegenbewegens
op n vaste dag
in haartje stad

eltje ©

Belangen

IMG_1641d’eerde waarmt op
ieskappen smelten
duurzoam gruin geft tegengas

lobby’s binnen machteg
belangen slim groot
industrie het n aigen kas

duurzoame dollars
stromen fossiel
aal veur t ekonomisch gewin

dubieuze transaksies
gruiende vermogens
lössloagen van gemainschopszin

strategische schoakels
ontnemen illuzies
konsumenten binnen machteloos

energie vluit vot
koarten binnen schud
schoades schraiwen grìnzenloos

eltje ©

%d bloggers liken dit: