wat helpen
beklemmende foto’s
van rollende tanks
over bloudrode sporen
wat helpen
gruwelke verhoalen
van beestachteg gedrag
in beeldende metaforen
as de mìnshaid
zien aigen kremoatsie
kreëert deur t valen loaten
van aigen steken
zodat de vullers veur
de leste urn of
de droagers veur de
leste kist ontbreken……
eltje ©
OP YOUTUBE:
onbekommerd en
in de wolken wezend
leken vree en welstand
garandeerd
mor weer rollen koppen
en tanks over slagvelden
en wordt ter over rode sporen
marcheerd
de mìnshaid
kreëert
zien aigen kremoatsie
as e t vermogen van
t droagen
van weelde mist
de leste urn
wordt
din nait meer vuld
en droagers
ontbreken
veur de leste kist
eltje ©
Foto Reuters
duustere machten
vertrappen loaghaarteg
respekt en weerdes
mit pepperspray
troangas vertroebelt
elks ideoalen
n smorende locht
n verstikkende deken
zwoare tanks
verzwelgen gewaitenloos
de wìns te leven
in vrijhaid en vree
bulldozers pletten
mit wraid geweld
binnen jong en old
kind van de reken
eltje ©
