MIDWINTERTIED via SOUNDCLOUD

n Kniepertje is t symbool van t òfgelopen joar,
Dij aan ons veurbie ging zo rad achter mekoar.
n Rollechie is n taiken veur t joar dat kommen gaait.
Dij het nog nait ontvòllen wat te gebeuren staait.

Zo haar je vrouger ook t midwinterhoornbloazen.
Sunt Thomasluden op d’körtste dag, din luiten ze klokken roazen.
Tied van winterzunnekeer brocht hail wat in bewegen.
t Vuur mos aaltied branden blieven, dat was veur lu n zegen.