Posts tagged “stried

Uutzichtsloos

Uutzichtsloos

ook op poaden
van pais en vree
tref je onhaail
op de weg

t noodlöt is
onveurspelboar
en slagt tou
zunder overleg

angst veur
onmacht gruit gestoag
bie elke stap
richten horizon

mor wordt t op d’omwegen
n weerloos worsteln
din is t n stried
dij zelden aine won

eltje ©

Gedachtegang

Gedachtegang
gedachten
worden woorden
as je ze doar
onderbrengen

achter mekoar
ontstoan zinnen
dij in de hitte
soms verzengen

standpunten
betrekken stellens
en meten krachten
in n toalstried

over onderwaarpen
dij mitwaarken
in de tegenwoordege
of verleden tied

eltje ©

Strategie

Groningen beeft
binnen
belangen groot en
nait tegenstriedeg

en

binnen
tegenstanders stug en
slim partiedeg

din

het elke stried
minder pluzzen
as minnen

as krachten
nait soamenwaarken
en bundeld binnen

eltje ©

%d bloggers liken dit: