Posts tagged “spiroal

Vervaaltied

Tol
kaptoalen
worden onttrokken
aan soamenlevens
deur spekulanten dij
zich aal meer verrieken

welvoart
verdwient in n tempo
parallel aan de moate
van vermainde tekörten
weergeven in statistieken

aan n
neerwoartse spiroal
is gain zaalve te
strieken

wel
aalmoal slachtovvers binnen
zal uutìndelk
blieken

eltje ©

Burn out

IMG_1821

leven
van weekend noar weekend
in n neerwoartse spiroal
woarin vrijhaid n illuzie is

toukomst
verworden tot n slietoageproses
wordt zuver strak programmeerd
in n wereld vol duusternis

welwezen
ondergeschikt aan meten
wordt boegend en brekend
òfbrand tot op de bonken

systemen
woar kontroleren wegen is
holden liggoamen in iezern grepen
van obsezzies vol spelonken

eltje ©

%d bloggers liken dit: