Eltje Doddema
Posts tagged “slachtoffers”
Het aantal zelfmoorden in ons land is nog nooit zo hoog geweest. Vorig jaar maakten 1871 mensen een eind aan hun leven. Dat is met ruim vijf per dag een absoluut dieptepunt.
n gezonde soamenleven
vindt zien bestoansrecht in
n zekere moate
van solidariteit
hoaks doarop staait de
wel-de-lusten mor
nait-de-lasten
raandstadmentaliteit
n profiteur is hai
dij parasiteert en t
solidariteitsprinsipe
ondergraft
dat bliekt veuraal as
n hond vanuut de
mieghommelnustkontraainen
blaft
eltje ©
op waarkvlouers
dijen doaglieks kulturen van
kwetsen en klaaineren
traaiternde kwelgaisten
kinnen doar filaain
nittjen en manipuleren
waarkende elbogen
sloeten n verbond om
aandern op te jutten
slachtovvers störten
fyziek en mentoal in
bodemloze putten
gedragsprotokollen
hebben veurspelboar
waaineg of gain effekt
want
tv-zenders teunen tal
programma’s mit doarin
veurbeelden van gain respekt
eltje ©
aal meer lu mouten
belaaid uutvoeren dat
tot in de kern doodzaik is
mor managers proaten
t kromste recht en
slechten elke hindernis
op beerputten worden
bolten draaid van t
allerdikste soort
veur slachtovvers is
leven ìnkeld nog
n dood viefletterwoord
eltje ©
de doodsteek
ligt op de loer
en wacht op
de goie mementen
de politiek
schept de veurwoarden
en kreëert
zulfmoordarrangementen
bloud kleurt
stroaten en
riolen stromen tot
over de raand tou vol
scènes volgen
mekoar rad op
mit veul slachtovvers
in de hoofdrol
eltje ©
