Posts tagged “scheuren

Toukomst

bie n deurkiek
n verloaten gat
onder vergeten noamen
zöcht fantazie
zoveul zinnen
om beelden in te roamen

woar schares scheuren
vougen verrötten
vaalt licht op olle tieden
woar geborsten holt
as stammen stoan
het toukomst niks te lieden

n pad noar naargenswoar
kleurt de roegte
spraaidt t wildgewas
mit aargens kansen
van nij begun
veur ongerept gruin gras

eltje ©

%d bloggers liken dit: