Posts tagged “saneren

Horrorscenario

Foto: Maxcam

Foto: Maxcam

as
politisi
wetgeven traineren
en bestuurders
politisi chanteren

as
elites
kaptoalen konfiskeren
en boazen
waarknemers eksploiteren

as
overheden
alles kontroleren
en multinationals
welwezen saneren

as
populisten
hoat injekteren
en jihadisten
verbindens amputeren

din
zal de angst
de soamenleven
dezastreus destabilizeren

en
zal de dood
vervolgens
deur de stroaten marcheren

eltje ©

Stroppenpot

Stroppenpot

de wiezer noadert
troag en taargend
t tiedstip
insteld
deur t regime

t welwezen wordt
deur d’oavendklok
aantast
mor rechtvoardegd
as legitiem

t is t uur
van t ontzörgen
en van tranzietsie

van mìns
noar n loden last

kaptoalen
dij wegzet worden
om saneren te kinnen

stoan mit zörg
in schril kontrast

eltje ©

%d bloggers liken dit: