Posts tagged “riekdom

Welwezenloos

Welwezenloos
dichte deuren
van lege tehuzen
worden symbolen
van zörgzwoartepakketten
dij t recht op n stee blokkeren

levenloos stoan
straks aal meer panden
woarin ooit vol
touwaaiden zörg was
tot baauwvalen te kreperen

t haart is vot
sneden uut t respekt veur
hulpbehuivendhaid en olderdom

geld bepoalt
mit femilie of buren of je
partisipoatsie wel vuilen as riekdom

eltje ©

%d bloggers liken dit: