Posts tagged “respekt

de Punt of t vroagtaiken

Punt

onze rechten
binnen steveg verankerd
en goud vastlegd
in de wet

ook gelden ze
veur lu dij terreur
rechtvoardegen in n mörgen-
middag- of oavendgebed

mor

as lu zulf
wegen kaizen mit
doulen zunder respekt
veur t leven

is t recht din
wel rechtvoardeg
as j’aandermans dood
noastreven

eltje ©

Verdrokken

A demonstrator holds a cross and a Koran during a protest against ousted President Mursi at Tahrir Square in Cairo

Foto Reuters

duustere machten
vertrappen loaghaarteg
respekt en weerdes
mit pepperspray

troangas vertroebelt
elks ideoalen
n smorende locht
n verstikkende deken

zwoare tanks
verzwelgen gewaitenloos
de wìns te leven
in vrijhaid en vree

bulldozers pletten
mit wraid geweld
binnen jong en old
kind van de reken

eltje ©

%d bloggers liken dit: