Posts tagged “rendementsdenken

t Waarkgeversmoeras

Waarkgeversmoeras

sloop de rechten
is t kredo van waarkgevers
dij hechten aan winstbudgetten

doarveur is verdail en
heers de taktiek om jong en old
tegen mekoar op te zetten

zekerheden van
waarknemers worden achteloos
verkwanzeld en ondermiend

zeker is dat liefsbehold
d’onderlinge soamenhang en
solidariteit ondermient

macht baauwt
en brekt

macht mangelt
en nekt

eltje ©

#Rendementsdenken

Rendementsdenken

in n òfrekenkultuur
is welwezen
al gaauw ondergeschikt
aan winst en boat

t rigide denken in
opbrengst en winst
miskent voak de
mìnselke moat

t streven om de
kwaliteit te verbetern
is nobel en vaalt
slim te priezen

mor belangen speulen
voak n kwoaleke rol
in t proses van t
noar mekoar wiezen

eltje ©

Verlammend

Maagdenhuis

systemen
besmetten as n virus
t handeln en t denken
van besturen

funest
is t funksioneren van
managementloagen achter
blinde muren

onrendoabel
binnen besturen dij
in aigen bestoansrecht
investeren

ontwikkelns
hebben gain boat bie
ruïnes woarin vernijens
stagneren

eltje ©

#Maagdenhuis

Maagdenhuis

as n virus besmet
t systeem t denken en
t handeln van besturen

funest is t handhoaven
van managementloagen
achter blinde muren

t binnen bouwwaarken
dij in aigen
bestoansrecht investeren

veur studenten en
dosenten slechts
ruïnes dij nait renderen

eltje ©

%d bloggers liken dit: