Punt

Toalgevuil

je kinnen best n
hekel hebben aan
dichten en doar n
punt van moaken

mor

din sloet je d’oren
veur klankkleuren
en letterlek veur
beeldsproaken

eltje ©

as der aal voaker
en noadrukkelker
n point of no return
benuimd wordt en
dij in urgentsie
stigt mit stip

worden d’obstoakels
om over t dooie punt
hìn te kommen
vakkundeg sloopt en
wordt bittere noodzoak
t sleudelbegrip

eltje ©

as woorden
te kört schaiten
en je loaten
woapens spreken

din zet je n punt
achter de zin
van t bestoan en is
t leven verkeken