Posts tagged “privatizeren

Gezelschapshandel

Gezelschapshandel

in blitse kantoren
wordt drifteg rekend
in euro’s en
urentabellen

want ainzoamhaid en
zörg worden vermaarkt
tot winstgevende
verdainmodellen

slachtovvers wonen in
deurgangshuzen vol
hulpverlainers
in t vergezellen

mor sosioale
partisipoatsie is meer as
rummikubben en aandere
gezelschapsspellen

eltje ©

Burbach

Burbach

noast n graauw
en groeterg matras
ligt veurover n man
dij slachtovver is
van sadistische macht en
wellust

t in woord en
doad mishandeln en
vernedern deur
t verwonden van liggoam
en gaist gebeurt
bewust

winstbejag gaait
boven humaniteit en
internatsionoale konvìnsies
veur de rechten
van de mìns
worden schonden

t is de swaarde
schare van privatizeren
woar uut t leed
van slachtovvers
al meer verdainmodellen
ontstonden

eltje ©

%d bloggers liken dit: