Dodelk

Mondkapplicht

elk mìns
het recht op
noodzoakelke hulp en
fersounleke verzörgen

mor

kerkrötten
krioelen gierend
deur de kluizen van
gemaintelke börgen

in proefprosezzen
wordt bepoald wel
schuld het aan t
verzoaken van zien plicht

is de stoat
de rechter en de beul
of is t de gemainte dij
de zörg ontwricht

eltje ©

vergraimd tussen
verplichtens van t uwv
en regels van de ww
worden lu slachtovver
van willekeur

in dij wereld
van twijduusterlicht
en sollisitoatsieplicht
heersen strafkörtens en
kontroleterreur

t is de onderwereld
van t kansloze
kollektief

mit as vaste boan
sollisiteren zunder
perspektief