Posts tagged “pepperspray

Onder uut de zak

Zak

n kinderfeest wordt
terrorizeert deur profiteurs mit
twievelachtege belangen

ze bedraaigen doardeur de
vaaileghaid van lu dij n
vreedzoam verloop verlangen

t is idioterie om
t verleden te misbruken veur
persoonleke frustroatsies en onvree

t is n grode schaande dat
d’intocht bevaailegd worden mout
mit woapenstok en pepperspray

eltje ©

Verdrokken

A demonstrator holds a cross and a Koran during a protest against ousted President Mursi at Tahrir Square in Cairo

Foto Reuters

duustere machten
vertrappen loaghaarteg
respekt en weerdes
mit pepperspray

troangas vertroebelt
elks ideoalen
n smorende locht
n verstikkende deken

zwoare tanks
verzwelgen gewaitenloos
de wìns te leven
in vrijhaid en vree

bulldozers pletten
mit wraid geweld
binnen jong en old
kind van de reken

eltje ©

%d bloggers liken dit: