Posts tagged “opstelten

Bon

Bon

soms is e veur
n kedo of daint e
as bewies

soms is e veur
n konsumpsie of win je
dermit n pries

soms let ain hom
slingern en mist
doardeur n kedo

soms wordt ain der
opzet wat knoagt
aan zien imago

soms krieg je derveur
n deus mit meer as
ain bonbon

voak is t bonafide
mor soms is t
nait bon ton

eltje ©

Onverantwoord

Na elke dag (vanaf juli 2013) een of meerdere bijdragen te hebben gepost, is dit de 1000ste kopschraberij. Alle volgers en lezers ontzettend bedankt voor het lezen, het reageren en het delen van de blogs.

Nu maar afwachten of morgen de 1001ste kopschraberij verschijnt……

Onverantwoord

boven alles stoan
in woord en doad
is meer as arrogant

hoogmoud in t
draaien en keren holdt
op n duur gain stand

mor òfgedwongen
beraauw schoadt
onherstelboar t vertraauwen

te meer as je
aigen zunden nait
as zodoaneg beschaauwen

eltje ©

Opstelten(is)

Boutes

aal meer lu
hebben perblemen
mit t betoalen van boutes
oplegd noa overtredens dij
ze veroorzoaken

t ligt vast
aan de belaggelk
hoge bedroagen dij nait
in reloatsie stoan tot de misstappen
dij ze moaken

eltje ©

%d bloggers liken dit: