Posts tagged “onzekerheden”
as kabinetsmoatregeln
gain pluzzen mor
bloots minnen vertonen
zit je as laand
mit de brokken
vanwege wantraauwen
en onzekerheden
stagneren uutgoavepetronen
en blift kaptoal aan
d’ekonomie onttrokken
eltje ©
de toukomst
van aarbaidend nederland
is vol onzekerheden
en zwakten
waarkgevers
goan veur fleksibiliteit
mit tiedelke en
nulurenkontrakten
de maarkt
globalizeert en
vertoont aal grotere
pieken en doalen
zo worden
waarknemers aal meer
sloaf van
multi-nationoalen
eltje ©
elks bestoan
is vol onzekerheden
mit gain
of aal minder
vasteghaid
n soortement van
ruzzische roulette
dij aal voaker
grìnzen overschridt
van onaanvoardboarhaid
eltje ©
noa tieden
van n wankel evenwicht
op n dun koord
van de levensbalans
veraandern
gloeperg doun en loaten
in landerge elementen
zunder glans
talent
zunder passie rakt frustreerd
verdreugt en verdampt
d’inspiroatsiebron
n zuiktocht
vol twievel en onzekerheden
verlegt grìnzen
noar n nije horizon
eltje ©
KOPSCHRABERIJEN 