Eltje Doddema
Posts tagged “onvermogen”
swaart zet
verholdens op schaarp
en dut veul lu wit
wegtrekken
t is om n kleur
van te kriegen
zo as lu mekoars nust
bevlekken
mor is t nou
waarkelk de tint
dij aan t konflikt
ten grondslag ligt
of is t meer
t onvermogen om n
kinderfeest te zain
in n sprookjeslicht
eltje ©
binnen
de vrundschap
van sjors en sjimmie en
keunk wezen
van taka-tukaland
net as
de fratsen
van tom zien jerry
nou rasistisch en
intolerant
of is t
t onvermogen
om zoaken
in historisch perpektief
te zain in dizzen
meer relevant
eltje ©
wordt oprechte verontwoardegen
en fundementele kritiek
as HETZE vertoald
din is der fundementeel wat mis
mit t oordailsvermogen
van dijgene dij dit verhoalt
eltje ©
KOPSCHRABERIJEN 