Posts tagged “ongelijkheid

Aarmou zaaiers

In Nederland lopen 421.000 minderjarige kinderen risico om in op armoede op te groeien. Dat is 12 procent en evenveel als tien jaar geleden, zo blijkt uit nieuwe cijfers van het CBS. In Rotterdam is het zelfs één op de vier kinderen. En wereldwijd…….

 

Aarmou zaaiers

 

Grui?

Grui

regerens verwurgen
en claimen t geliek
tegenstellens wazen
tussen aarm en riek

rechts sloopt links
en baaidend t midden
doof is elk veur t
smeken en t bidden

parlementen
verlaizen meerderheden
rechten worden roeg
mit vouten treden

aal meer banken
dij bölken van t geld

veuruutgang
wordt op maauwen speld

eltje ©

Duvels

Duvels
in n wereld woar
knooiers en pokkeloars
aal poestend en stìnnend
perbaaiern om de kop
boven wotter te holden om
ongeschonden te overleven

wordt ter tussen
glamour en korrupsie deur
grof geld verdaind
deur n haandjevol graaiers
dij zich boadend in luxe
loungend aan wellness overgeven

t vermogen vermoalt
de wereld tot n daip
verdaild onvermogen om
t op bulten schieten
van de duvel doadwaarkelk
en effektief aan te pakken

n ongeliekhaid dij laaidt
tot schaive verholdens
woar onder invloud van
populisme en racisme
soamenlevens tot op n
bedenkelk niveau òfzakken

eltje ©

Zeitgeist

Zeitgeist
ook in n wereld
zunder komplottheorieën
is niks zo as veurvallen lieken

n haandvol elites
regisseert t wereldtoneel
om zich ongegeneerd te verrieken

t binnen onzichtboare machten
dij lienen uutzetten om
politieke prosezzen te sturen

verscholen achter bits
en bytes scheppen zai
veur heur winstgevende strukturen

as begerege geldduvels
beïnvlouden ze systemen om
welvoart aan de wereld te onttrekken

politieke instabiliteit en
n funeste finansiële ongeliekhaid
kin heur woarlieks niks verrekken

eltje ©

%d bloggers liken dit: