Posts tagged “nsa

Data-gate

NSA
wereldwied
woart woanzin rond
as verstikte vrijhaid
en vermoorde vree

privacy verdampt
in n duustere cloud
woarin de duvel danst
mit de NSA

sinistere schares
scannen digitoal
tot in detail
aal t dataverkeer

dichte poorten
stoan woagenwied open
verschavven tougang
tot n vergeven atmosfeer

eltje ©

PRISM

NSA-Prism-logoin n wereld
vol machten
dij waiten willen
wel wat woarom wikt
en weegt
is privé openboar
is n gehaaim lek
as n teems

in n wereld
vol politisi
dij vergrèld verkloaren
dat duvel doolt
en draaigt
treden vouten
digitoal rechten
in “Cold War Games”

eltje ©

%d bloggers liken dit: