Tagarchief: moord
Nooit meer
Vandoag wordt stilstoan bie de bevrijden van noazikamp Auschwitz. Op dit stee werden meer dan n miljoun lu vermoord, mainst jeuden.
“De wereld” nam zich veur dat dit nooit meer gebeuren mog, mor de mìns liekt nait in stoat om in vree leven te kinnen. Veurbeelden doarvan binnen der ja schaande genog zat……
onbekommerd en
in de wolken wezend
leken vree en welstand
garandeerd
mor nog rollen koppen
en tanks over slagvelden
en wordt ter over rode sporen
marcheerd
de mìnshaid
kreëert
zien aigen kremoatsie
as e t vermogen van
t droagen
van weelde mist
de leste urn
wordt
din nait meer vuld
en droagers
ontbreken
veur de leste kist
eltje ©
Moord of doodslag
de politiek
en de verzekeroars
binnen nait bie machte
de neudege zörg
te garanderen
dus doodslag
is aan de orde van
de dag en mörgen
zallen ze ook bloots
vaalze beloftes ventileren
eltje ©
