Posts tagged “meningsuiting

Vrij

Binnen ie ook zo aine dij de leste tied hail aans denkt as dat e prat? Veuraal as je in gezelschop binnen? Dat je eerst even om joe tou kieken veurdat je de revel opendoun? En dat joen woordkeus òfhangt van t volk in de buurt?

Wat zeggen ie? Ie proaten onder t denken nooit in joezulf? Dus huif je doar nait over noa te denken? Ie leven in n vrij laand en je kinnen zeggen wat je willen? Goud, dat zal zo wezen, mor t kin gain kwoad om joen gedachten der toch ains over goan te loaten. En din veuraal over wat je eerder wel zeggen of schrieven duurfden mor nou nait meer. As je t goud noagoan wordt t n laank lieske. En dat zal je vast gain verlanglieske nuimen.

Woarom je der over noadenken zollen? Tja, veul journalisten en stokjesschrievers doun dat noamelk wel. En dat nait zunder reden. Nait omdat ik dat zeg mor uut bittere neudzoak. Om te overleven.

Elk laand dat demokroatische weerdes hoog in t voandel het is boat bie t funksioneren van onòfhankelke media. Der binnen echter zat landen woar dit nait of nait meer t geval is. De stoat bepoalt welk nijs t volk te zain krigt. En der binnen aal meer machthebbers dij der alles aan doun om “de vrije pers” de kop in te drokken of zulfs te verbaiden. Dat doarveur journalisten oppakt, marteld en/of vermoord worden is in dij landen nait ongewoon. t Is doarom beangstegend te konstateren dat ter ook in ons laand krachten speulen dij de vrije media nait bepoald goudgezind binnen. En bie t minste of geringste t woord “korrupt” in de mond nemen.

Nou is t zo dat politieke dwaarsverbanden via partijen, bedrieven, boantjesmallemeulens, partnerschoppen en/of t dailen van mekoars spondes, LAT-achterkoamertjes of bezzemkaasten nou nait bepoald de beste veurwoarden veur n onveurwoardelk vertraauwen in n onòfhankelke publieke omroup binnen.

Vergeet nait dat vrijen in veul gevallen n leugenachtige ambacht is; t is voak zachies proaten en haardop laigen. Boetendes: vrijen onder ain dak is ja n groot gemak. En dat persoonleke belangen de belangriekste motieven binnen om bevredegen te vinden en te kriegen is aalgemain bekìnd. t Zoad kropt ja woar t nait goan kin.

As we doarbie ook de trollenlegers en de nepnijsverspraaiders en heur dom volk betrekken din wordt ain ding dudelk: vrij en aigen, zo as oorspronkelk bedould, wordt aal meer betuun. Aal zeldzoamer, dus.

As t mor nait vrij zeldzoam wordt….

Gendergif

De Milieupartij in Zweden wil alle vermeldingen van woorden als ‘meisje’ en ‘jongen’ uit het leerplan verwijderen. De schoolinspectie heeft zelfs een overheidsrapport geschreven waarin het vrije spel van kinderen als een probleem wordt genoemd. Men is van mening dat het de gelijkheid van mannen en vrouwen tegenwerkt als kinderen zelf speelgoed kunnen uitkiezen…….

Eltje Doddema

Erdogan

De ARD heeft bekend genaakt dat het satirische filmpje over de Turkse president Erdogan, dat onlangs werd getoond op de Duitse televisie, volgens de Turkse vicepremier Numan Kurtulmus een misdaad tegen de menselijkheid zou zijn.

Erdogan

#Erdogan

Een Nederlands-Turkse man is in Turkije gearresteerd op verdenking van belediging van president Recep Tayyip Erdogan.

De man is onmiddellijk bij aankomst op het vliegveld van Istanbul opgepakt. Volgens de aanklacht heeft hij Erdogan op sociale media een ’dief’ en ’dictator’ genoemd. Ook zou hij zich kritisch hebben uitgelaten over de politieke situatie in het land………

Erdogan

Tentoonstellen

Tentoonstellen

worden beelden
nait wikt en wogen
op n weegschoal van
tolerantsie en respekt

worden ze
tiedens t schaarpstellen
overbelicht en filtert
mit n troebel effekt

worden negatieve
strekkens ontwikkeld
ìnkeld en allain mor
veur aigen gewin

din devalueert
verbondenhaid en
vullen lu motivoatsies
mit duustere argumenten in

eltje ©

Verdaarvelk

Hoat

op zuik
noar de schaaidslienen
tussen mainensvrijhaid
en tolerantsie
infiltreert blinde hoat
t gezond verstand

t is t
filaaine proses
van t stoadegaan
binnendringen van
en t ondermienen deur
n angstvijand

eltje ©

Terreur

n Punt

de punt op pepier
schrift woorden
boeten zinnen

de schandvlek dikteert
wat je nait
inslikken kinnen

d’aanlaaiden is triest
mit gain pen
te beschrieven

mor t òfsloeten
mit n punt zal
zeker uutblieven

eltje ©

Minder

Minder

nait MINDER
as haizulf ventileerde
MINDER
vol overtugenkracht en
mit duustere intentsies

t applaus
zette kritiekloos t
MINDER
kracht bie en
bevestegde zo
de pretentsies

veur t eerste
vioolkonsert wordt
MINDER
klapt deur kabaretiers
en publisisten

mor vrijhaid
van mainensuten geldt
MINDER
veur kritikasters
en kontra violisten

eltje ©

%d bloggers liken dit: