Posts tagged “matchfixing

Matchfixing

Matchfixing

in n wereld
woar dwaars deur
alle sporten hìn saldo’s
prestoatsies verzaiken

en woarin geld
de weerdes van
glimmende medailles
begleren en vertaiken

dragt schien n
masker en worden
leugens de driefveren
van t handeln

staait sportiviteit
symbool veur lu dij
schandoalege wegen
bewandeln

eltje ©

De hoogste sport

De hooste sport

t is net as op
n bal masqué
woar gebelskoppen
identiteiten verbaargen

de dood en de beul
strunen doar
filaain rond noast
moagiërs en dwaargen

noa t inzetten
van t eerste akkoord
danst elk noar
mekoars piepen

mit t klinken van t
harmonieuze slötakkoord
volgt de klimax
van t griepen

eltje ©

Qatar en co

Quatar

in n wereld van
gold en glorie
is sportiviteit ondergeschikt
aan banksaldo’s

leugen en bedrog
worden vermaarkt
onder t drinken van
whiskeys en cointreaus

t volk krigt de speulen
woarin medailles
vergeven worden veur
manipuloatsie

gespeulde onschuld
wordt klakkeloos aksepteerd
omdat elk verblind is deur
adoroatsie

eltje ©

Matchfixing

Matchfixing
92 – 128; 85 – 117; 99 – 135…. In de perseneelskoamer vlogen getallen van links noar rechts over toavel. Ain van d’aanwezegen was drok dounde om aal dij getallen in te voeren in n tabel. Getallen, dij stonden veur d’onder- en bovendrok van t bloud van de patiënten. Doaglieks haar t personeel t drok mit t noteren van allerhaande weerdes en omdat je mit sievers meer doun kinnen as optellen en òftrekken was ain van de verpleegkundegen op t idee kommen om n gokspel te begunnen: t veurspellen van de blouddrok van patiënten. Lees verder

%d bloggers liken dit: