Posts tagged “massa

Voetbal mania

Transfers

bie voetbal regisseert
kaptoal t vermogen
om voak mit schulden
te scoren

goaten worden
mit goaten dicht
in duustere
kantoren

wekelijks
zit de massa
drogeerd en bölkend
op de tribune

t volk houst
kritiekloos
de bedroagen op
en dat zunder rankune

eltje ©

Sport keuren

Sport keuren
sport
wordt doaneg deur
kommersie beïnvloud
en t gaait nait bloots
om punten en tieden

kaptoal
manipuleert
de konsument dij aksepteert
dat bobo’s
schaive scheuvels rieden

t volk houst
gigantische bedroagen op
en dut dit zunder rankune

elke week weer
zit de massa massoal
drogeerd op de tribune

eltje ©

Wegsievern

CBS
op de goie weg
is spektakulair sproake
van drok verkeer
woar gunstege gruisievers en
aandailholders mekoar
inhoalen en verdringen

op alle kruuspunten
kriegen ze veurrang
en stoan investerenslichten
op gruin omdat pozitieve
prognozes van winst
en grui rondzingen

aan de kaant
stoan roadeloos
en riddersloagen lu
dij depressief worden
bie t aanschaauwen
van dizze euforie

veur t rooie licht
van waarkgelegenhaid
staait n gruiende
waarkloze massa dij
zunder toukomstperspektief
beheurt tot de restkategorie

eltje ©

%d bloggers liken dit: