Sommegen hebben de verspreiding van het coronavirus inmiddels geduid als straf van God……
Eltje Doddema
Posts tagged “machten”
wereldwied
woart wraid de dood
in veul gedoantes rond
dolend tussen
geld en gewaiten sloeten
machten n onguur verbond
ego’s worden
gewaitenloos
veur leven ontbrekt respekt
hoat misvörmt
de mìnselke moat
zo wordt onverschil opwekt
eltje ©
filaain
sturen laaiders
sinistere krachten
skrupuleus
figelaaiern
illustere machten
argumenten
kleuren agenda’s
vol voele leugens
geleuven
en overtugens
traumatizeren geheugens
d’historie
herhoalt zich
wordt ter beweerd
t is hemeltaargend
dat de mìnshaid
zo slecht leert
eltje ©
illustere machten
waiten via geslepen
propaganda
geweld legitiem
te verkloaren en t verstand
te verdoven
vanòf vaailege òfstand
van dood en verdaarf
worden pionnen
aal meer in
strategische pozietsies
schoven
op dit schoakbord
volgen riskante zetten
zich in rap tempo op
bloudrode handen
worden in onschuld wossen
deur de duvel mit n januskop
eltje ©
doaglieks
binnen der berichten
over strenge senzuren
deur kontrolerende machten
doaglieks
lees j’over regerens
dij d’invloud van media
medogenloos ontkrachten
òfwiekende mainens
worden nait
tolereerd
t benuimen van de realiteit
wordt nait
aksepteerd
t verspraaiden van infermoatsie
is deur grìnzen
nait te stoppen
veur ons binnen t
(veurlopeg nog?)
swaarde kraandekoppen
eltje ©
machten
hebben noa
t besloet van
t voeren
van n oorlog
bloud
aan d’handen
en dood
en verdaarf
in t kielzog
machtelozen
geven veurkeur
aan vaaileghaid en vree
mor gezond verstand
legt t voak òf tegen
t hunkern noar n trofee
eltje ©
in talloze landen
drieven machten en belangen
de konfliktbarometer in t rood
vanwege hoat en nied
staarven talloze slachtovvers
doaglieks n gruwelke dood
de stried om geld
geleuf en grondstovven
gunt staarvelingen gain leven
heur verlangen noar vree
blift onvervuld
en ze binnen der ja mor even ……
eltje ©
almachtege puunhopen
begroaven bloudrood
gekleurde agenda’s
dij vol stoan mit woare leugens
geleuven en overtugens
mit macht en misdoad
verkrachten onschuld
en traumatizeren geheugens
vanwege
geld geleuf en grondstovven
worden weerlozen
genoadeloos trovven
eltje ©
KOPSCHRABERIJEN 