Posts tagged “lied

Ainzoamhaid

De Week tegen Eenzaamheid is tot en met 1 oktober. Tal van maatschappelijke organisaties laten dan zien wat zij tegen eenzaamheid doen. Meer dan 1 miljoen Nederlanders voelen zich sterk eenzaam. Een op de drie mensen voelt zich matig eenzaam……

Zoveul vertellenAinzoamhaid luisteren via SOUNDCLOUD

k Kin niks meer zain deur troanen in mien ogen
k Kin t sikkom nait leuven, mien haart is as stain
k Bin veul te troag om t op te geven
k Bin nog verblind om woarhaid te zain

Wie haren beloofd bie nkander te blieven
Wie waren kammeroaden, deur dik en deur dun
Doe was t mien laifste tot aan t ìnde der doagen
Op weg noar toukomst, vanòf t eerste begun

k Kon bie die schoelen in duustere doagen
k Kon mit die drinken, doe wast mien kroug
Voak ging t te haard zunder voart te mindern
t Was nooit te loat, t was voak te vroug

Kwamst noar huus, scheen veur mie de zunne
Mit die was mien wereld vol licht en vol gloud
Dien pallet vol woorden kleurden voak mien leven
En ook in stiltes, n vreedzoam gemoud

Wie hebben onze stried nooit eerlek streden
Bleven positief noar groot en noar klaain
Hebben noakte woarhaid, kloarhaid, zoveul meugelk meden
Wie bewoarden ons tröts, dat was te zain

Kwamst noar huus, scheen veur mie de zunne
Mit die was mien wereld vol licht en vol gloud
Dien pallet vol woorden kleurden voak mien leven
En ook in stiltes, n vreedzoam gemoud

k Wol mien löt nait uut handen geven
Dij brocht gelok en ook veul gewin
k Klamde mie vast aan t tegendail van t heden
n Zinloos gevecht, tegen beter waiten in

Twijduustere gevuilens en ainzoame nachten
k Droag mit weerde t grode verlais
Veul kloare herinnerns in n woas van gedachten
Blifst aaltied bie mie, n twijzoamhaid
Blifst aaltied bie mie, ainzoamhaid

eltje ©

Van de CD: Zoveul Vertellen

Mörgenlicht


wrakken veraandern brandende wegen in voagevuren vol hoat
verminkte gaisten bepoalen de moate van t zinloze kwoad
mìnsen wankeln machteloos in n wereld hail filaain
nait elk zal mörgen gezond en wel t mörgenlicht weer zain

woanzin wint meedogenloos van elk verstandeg woord
t licht aan t ìnd van tunnels komt in veul gevallen te loat
op kreten van hulp in t baalkeduuster reageert gainain
nait elk kin mörgen gezond en wel t mörgenlicht weer zain

t ìnd is veur elk swoar te droagen zunder onderschaaid
soms stoan rozen vergeten te wachten op wel eerder gaait
doagen binnen soms angsteg swoar, want lieden is gemain
nait elk hoopt mörgen gezond en wel t mörgenlicht te zain

mit troanen in de stromende regen is wanhoop nait te sturen
tred wordt swoar, t pad lopt dood tegen kèlle blinde muren
zinloos is t leven as dij vuilt as n blok aan t bain
nait elk wil mörgen gezond en wel t mörgenlicht weer zain

de zun zakt zacht in t twijduuster d’horizon veurbie
de leste waarme zunnestroalen omaarm ik soamen mit die
zo vuilt n perfekte wereld veur groot en ook veur klaain
ik hoop ook mörgen weer soamen mit die t mörgenlicht te zain

 

tekst/muziek: Eltje Doddema ©

n Allerleste Dans

n Allerleste Dans

Klik op de afbeelding voor de YOUTUBE-versie van n ALLERLESTE DANS

wie zain nog lichten in glìnne kleuren
heuren t klinken van zuvere klanken
wie roeken d’aroma’s van hail veul geuren
wie kinnen om laifd’en verlangens janken

mor angst veur t donkern moakt ons onmachteg
zolaank leste hoop nog gloort
want elk schoft t laifst tied noar achtern
veur t ìnd’en t allerleste woord

REFRAAIN
mor dien zinnen begunnen gestoag te slieten
en ale krachten roaken uut balans
berustend sloeten wie mekoar in d’aarms
veur n allerleste dans

 

 

n Allerleste Dans

Klik op de afbeelding om te luisteren via SOUNDCLOUD

op de drumpel van t twijduuster
woar de dood meedogenloos wacht
vragt op t lest t staarvensproses
van elk emootsioneel veul kracht

want de levensdrang van ieder mìns
moakt de keuzes aibels zwoar
t verlangen noar mörgen is in dij stried
voak nog levensvatboar

REFRAAIN
mor dien zinnen begunnen gestoag te slieten
en ale krachten roaken uut balans
berustend sloeten wie mekoar in d’aarms
veur n allerleste dans

eltje ©

Grunnen

Na veel negatieve berichten over de provincie Groningen en verschillende liedjes over de aardbevingen werd het weer tijd voor een lied (in het Gronings) met een positieve boodschap.

Klik op de foto om het lied te beluisteren (en te bekijken) via Youtube.

Grunnen

GRUNNEN via YOUTUBE

Gratis downloaden (en luisteren) kan via SOUNDCLOUD. Klik hiervoor op onderstaande afbeelding.

Gratis download GRUNNEN via SOUNDCLOUD

GRUNNEN

Ook al trilt de grond van ons bestoan
onz’aigenweerde is vast as stoal.
Ook al is nait elk mit t löt begoan
nuchterhaid kenmaarkt ons verhoal.

Ook al leven we hier mit angst en beven
wie wonen hier om meer as doezend redens.
Ook al worden we soms tot woanzin dreven
elke mörgen vindt kracht uut veul verledens.

REFRAAIN:
Boven Grunnen, boven Grunnen verweven zich wolkenluchten
mit zwaarmen vogelvluchten tot n waarme kleurenpracht.
In Grunnen, in Grunnen worden klanken symfonieën
worden beelden fantazieën zodat n kind noar mörgen vragt.

Ook al is dit t hoge noorden
ons leven is op de toukomst richt.
Ook al bruken we nait veul woorden
onze toal is oprecht en slicht.

Ook al binnen der veuroordailen
wie leuven staark in onze aigen kracht.
Ook al zugt nait elk de pronkjewailen
ondanks dat wordt gain mìns minacht.

Grunnen - wolken

GRUNNEN

REFRAAIN:

Eltje Doddema ©

Snijwit Kerstfeest

Kerst

SNIJWIT KERSTFEEST via SOUNDCLOUD

Ik dreumde van n snijwit kerstfeest
Ain dij k van vrouger nog wel kin.
Mit zien steernheld’re nachten
Woarin ik lag te wachten
Om smörgensvroug in de snij te goan.

Ik dreumde van een snijwit kerstfeest.
Ik zai mie gliestern in de snij.
Mit mien slee in perfekte harmonie,
Dat was n snijwit kerstfeest dou veur mie.

eltje ©

Grunneger klanken

Grunneger klanken

Grunneger Klanken

 

GRUNNEGER KLANKEN – via Soundcloud

proat je
roeg en raauw
tegen n poedie
of n vraauw
din geef je wat
van joen karakter
bloot

zeg je
doedel of snokkel
en pìnze
of pokkel
din zeg je wat
wat joe loater
begroot

eltje ©

En ik denk

EN IK DENK

EN IK DENK – via YOUTUBE

EN IK DENK  MP3 via SOUNDCLOUD

wonden willen nait meer hailen
schaarven brengen gain gelok
t gemis is stoer te droagen
gain dag nog dij k plok

k verlang nait meer noar mörgen
dizze nacht is t ìndstation
tied is n haard gegeven
en der is gain horizon

– lees verder

%d bloggers liken dit: