Posts tagged “leed

Zieleg

Mìnsenleed

midden in
de zandbak is
mit geel zaand
n piste mit veul zörg
konstrueerd

drij laiwen
van swaart plastic
stoan in t midden
en worden zunder dwang
dresseerd

t is doar
vanzulfsprekend
dat je zunder veuroordailen
de wereld
eksploreren

en nait dwingend
t recht en
t geliek claimen om
kultureel aarfgoud te
kriminalizeren

eltje ©

Seniorenleed

Seniorenleed

t aalzaind oog observeert
zichtboar meedogenloos
dag in dag uut
hedendoagse tavverelen

stiegende grondstofpriezen
en gruiende infloatsie
zetten oldern aan
om te stelen

mit n gezicht vol schoamte
boegen ze zich veurover
mit in gedachten
heur zunege aow

mor ze willen
heur klaainkind
stommegeern wat geven
zo as elk dat vrouger dee

eltje ©

%d bloggers liken dit: