Posts tagged “krachten”
dwang
is n uten van
aigen zwaktes omdat je
nait overtugen kinnen
mit rationele argumenten
onderdrokken
gaait gepoard mit
t goan over lieken
ondanks vreedzoame geschriften
en haailege sakrementen
droagers
van dij bosschoppen
roupen krachten op
om veuruut te goan
in sloavernij
wegen
noar vrijhaid
worden blokkeerd en
dus wordt overleven
n lötterij
eltje ©
t binnen de vroagen
over meer of minder
t betreft de toukomst
van ons bestoan
t is de stried tussen
schaaider en binder
om der wel of nait
veur te goan
t is de twievel over
bundeln van krachten
en de gevolgen veur
welvoart en vree
t betreft de weerboarhaid
tegen wereldmachten
en din is verdaildhaid
zeker gain pré
eltje ©
gedachten
worden woorden
as je ze doar
onderbrengen
achter mekoar
ontstoan zinnen
dij in de hitte
soms verzengen
standpunten
betrekken stellens
en meten krachten
in n toalstried
over onderwaarpen
dij mitwaarken
in de tegenwoordege
of verleden tied
eltje ©
filaain
sturen laaiders
sinistere krachten
skrupuleus
figelaaiern
illustere machten
argumenten
kleuren agenda’s
vol voele leugens
geleuven
en overtugens
traumatizeren geheugens
d’historie
herhoalt zich
wordt ter beweerd
t is hemeltaargend
dat de mìnshaid
zo slecht leert
eltje ©
noast t bewegen
van ondergrondse krachten
staait de teelt
van zetmeelpiepers
onder drok
mor ook al
is hai slim vergrèld
de grunneger piept ter
nait tussenuut op struun
noar aander gelok
eltje ©
binnen
belangen groot en
nait tegenstriedeg
en
binnen
tegenstanders stug en
slim partiedeg
din
het elke stried
minder pluzzen
as minnen
as krachten
nait soamenwaarken
en bundeld binnen
eltje ©
onzichtboar
achter duustere gedienen
regiseren schimmege krachten
n spel
mit hoofdrollen
veur lobbyisten
dij op strategische pozietsies
politisie manipuleren
fluusternd
bewust boeten beeld
dirigeren spindokters
t verhoal
vol propaganda
van belangengroepen
dij handeg handelnd
filaain opereren
macht
kent veul verlaizers
want onmacht ruirt zich nait
historie
herhoalt zich voak
as n noakte woarhaid
eltje ©
n gespleten soamenleven
roadeloos ruirend
dringt wraid wanhopeg
deur stroaten en stegen
glìnwidde loakens
bloudrood deurdrenkt
bedekken ragfiene hoop
op vredege wegen
