Posts tagged “investeren

Stroppenpot

Stroppenpot

de wiezer noadert
troag en taargend
t tiedstip
insteld
deur t regime

t welwezen wordt
deur d’oavendklok
aantast
mor rechtvoardegd
as legitiem

t is t uur
van t ontzörgen
en van tranzietsie

van mìns
noar n loden last

kaptoalen
dij wegzet worden
om saneren te kinnen

stoan mit zörg
in schril kontrast

eltje ©

Windhandel

Windhandel
mit geld
wordt geld verdaind
deur loze lu
dij glad profiteren

mit subsidies
en belastenveurdailens
binnen kaptoalen
filaain te genereren

investeren
in duurzoamhaid
levert spekulanten
n hoog rendement

konstruksies
fiskoal legitiem
worden benut
mit veul raffinement

de massa wordt
vermoalen deur
n resezziemeulen en
tot grode wanhoop dreven

mor veur lu
mit vermogen
is t hail normoal om
van de wind te leven

eltje ©

%d bloggers liken dit: