as n bestuurder
zich gedragt as n groaperge
bonusboer dij konstant
grabbelt en graait
is der dudelk
sproake van mismanagement
omdat ter n negatieve
beeldvörmen ontstaait
eltje ©
Tag: imago
Imagokiller
Bon
soms is e veur
n kedo of daint e
as bewies
soms is e veur
n konsumpsie of win je
dermit n pries
soms let ain hom
slingern en mist
doardeur n kedo
soms wordt ain der
opzet wat knoagt
aan zien imago
soms krieg je derveur
n deus mit meer as
ain bonbon
voak is t bonafide
mor soms is t
nait bon ton
eltje ©
#Pekela
(gere)Geld
te veul lu
nemen verantwoordelkhaid
veur ontwikkelns dij
onverantwoord binnen
mor
vanwege heur
imago’s en porremonnees
meten ze zich t gedrag aan
van goden en godinnen
eltje ©
Imagoschoade
je verdainen as
politikus aal minder
respekt
as je voak blundern
mit n onbedould
neveneffekt
eltje ©
100 Euro
Fifa maffia
de dubieuze
handel en wandel
van Blatter en Co
laaidt overmoateg
tot schoade
aan t bedriefsimago
eltje ©
Selfies
vastlegd
deur t oog
aan de veurkaant
verradt t spaigelbeeld
d’identiteit
n foto
dij meer zegt
as doezend woorden
teunt n imago
vol originaliteit
n dagbouk
vol beeldtoal
wordt kreëerd uut eerns
of veur poelegrap
en oardeghaid
zulfpertretten
mit gebelskoppen
of zunder effekten
worden vastlegd
veur d’aiweghaid
eltje ©
KOPSCHRABERIJEN 