Posts tagged “hollandse

Hollandse school

Hollandse school

over smoak vaalt
nait te twisten
wel over de zin
van voetbalanalisten

veul wordt ter hikhakt
over d’hollandse school
as was dat n soort van
stoatussymbool

doarom hier de taktiek
van de nuchtere nederlander

scoor ainvoudeg mor aine
meer as de tegenstander

eltje ©

Hollandse zaikte

Medailles
rond t podium
woar t gold blinkt
t zilver schittert
en t brons glimt

stoan ze
te aanschaauwen hou
winnoar noa winnoar
t podium beklimt

t binnen deskundegen
dij onze scheuvelsuksezzen
negatief woarderen

en dij mit n mentoal proses
van chronische ontevredenhaid
zo heur mainens ventileren

eltje ©

%d bloggers liken dit: