Posts tagged “hobby

Riederij

t Dagblad ploatste onlangs n bericht over n fietstocht. Nou is dat op zich gain nijs, omreden bienoa elk ridt tegenwoordeg ja op t rad. Mor dit ging over n rit in de blode reet. Nou wil k joe eerst even teleurstellen: ie kinnen doar (hoogstwoarschienlek) nait aan mitdoun. t Gaait noamelk om de joarliekse Philly Naked Bike Ride in de Amerikoanse stoat Pennsylvania en wel op de dag van t Grunnens Ontzet.

Dailnemers aan dizze noakte fietstocht maggen heur boksem, shirt en ondergoud thuus loaten. t Ainegste verplicht stokje stof is dat van n mondkapje. Dou k dat las vruig k mie òf: “Zollen der ook lu wezen dij twij of meer mondkapkes bruken goan?”

Mor goud, willen ie tiedens t fietsen ook de wind vuilen op n stee woar t aans nait waait din blift ter niks aans over as n oepke op n nudistencamping. Veur aal dij aandere fietsfanoaten blift ter niks aans over as kloetjeriederij op bieveurbeeld t Hogelaand, in Westerwolde of deur Drìnthe. Want rad aan rad kloetjeklitten is bie veul lu n favoriede bezeghaid.

En wat te denken van buurman Jan en zien Griet dij, mit heur fietsen achter op d’auto, baaident om onverkloarboare reden in d’auto opsloten zaten. Brandweer mos der aan te pas kommen om ze uut heur snikkelhaide auto te redden. Ze wollen brandweerkommandant nog n rad veur d’ogen draaien, mor dij trapde der nait in.

En zo wemelt t van de lu dij doaglieks t zoadel (of wat aans) waarm holden. Grofweg kin je ze indailen in n poar doulgroepen.

Je kommen ze tegen in alerhaande soorten, gewichten en moaten. Van lycrapakjepokkels en uniseksstellen tot aan fietspadswaalkers en picknickpìnzen. n Bont gezelschop dat ain ding gemain het: op gezedde tieden n kop as n bolle.

Wat zeggen ie? Vinden ie t wat aal te aalgemain en te grof steld?

Ach, netuurlek lu, je mouten eerzoame fietsers ja nait belaggelk moaken. Toch?

O,……..ie beheuren tot ain van de genuimde doulgroupen……

LOL

Uit een groot (overbodig?) onderzoek naar ’levensgenieten’ in opdracht van de Staatsloterij blijkt dat Nederlanders echte levensgenieters zijn. Lekker eten en mooi weer zijn favoriet. Ook worden ze blij van een dagje uitgaan, reizen in het buitenland en hobby’s als sporten en knutselen.

LOL

%d bloggers liken dit: