Posts tagged “historie

Tussen de regels deur: mit…..

Om vot mor even mit de deure in huus te valen: der is in onze soamenleven hail wat mis omdat t gezond verstand aal meer n stain des aansteuts is……

Kiek, decennioa laank is der streden tegen diskriminoatsie en rassisme. t Streven was om te kommen tot geliekhaid en doar was en is niks mis mit. Pozitieve diskriminoatsie en mitmìnselkhaid waren doarbie de teuverwoorden. Mor net as bie veul aandere ontwikkelns lieden ook hier de goien onder de kwoaden.

Profiteurs en lu mit dubieuze bedoulens dringen noamelk overaal veur. t Gevolg is dat dizze ontwikkeln bie n groot dail van onze soamenleven ervoaren wordt as veurtrekken van hoedskleur, òfkomst en seksuele oriëntoatsie. En doar zitten ze netuurelk mit in de moage. Veuraal as t recht van persoonlek gevuil regelrecht indroest tegen t recht van t gezond verstand. Wat mout je nou mit n 31-joarege man dij as 16- joarege vraauw voetballen en douchen wil in n kompetietsie mit minderjoarege wichter. Körtom: t recht van minderheden wakkert zo aal meer t onrechtsgevuil bie aandern aan. t Zit ter dik in dat t op n fiasko uutlopt. Mor ja, doar zit dij drammende minderhaid nait mit.

Sommegen perbaaiern hail filaain onze historie te herschrieven of te wissen. Dit aal noar gelang de zin en macht van aktivisten en lobbyisten. Boetendes worden ze voak ook nog deur de stoat subsidiëerd. Vanwege ongezonde politieke korrekthaid worden plaainen, gebaauwen en stroatnoamen hernuimd, worden standbeelden sloopt en bouken uut d’handel nomen. t Vördern van herstelbetoalens is net zo’n uutwas. Onschuldege generoatsies mouten blouden veur d’handel en wandel, ploatsvon in t verleden. Ain ding is zeker: de meerderhaid zit ter mit.

Net as mit aal dij onbenullege mitlopers

#Beeldenstörm

Alles van Johan de Witt, JP Coen, Maurits enz. zou volgens aktivisten (zonder historisch besef) moeten worden verwijderd. Een beeldenstorm 4.0.

Je moet het verleden echter niet moeten wegen op de balans van onze huidige normen en waarden. Het verleden heeft nu eenmaal andere maatstaven en die moeten we gebruiken om een en ander te kunnen beoordelen.

Het wachten is op een heksenjacht op de nazaten van veel historische figuren……

Eltje Doddema

Beeldenstörm

Mout je wel of nait zgn. politiek-korrekte-karaktermoorden plegen mit as doul t verleden te wissen, mit t gevoar dat “DIT NOOIT MEER” een loos begrip wordt?

Mouten lu nait bie zichzulf te roade goan as ze “kritisch wezen op t verleden” verwarren mit “destruksie”………?

Eltje Doddema

%d bloggers liken dit: